اخباركم جبت لكم قصيدة يااااااارب تعجبكم وهي خاصة بالبنات؟؟؟؟
تدري وش اللي يتعب البنت ياخوي
رجـلٍ يخـون اشواقـهـا و الـمـــودة
إللي إلا احتـاج الغـلا صـار نمـرود
وليـا شبـع ممـا عـطـــــاه إسـتـرده
البنت ريحانة غـلا ... ناعمـة عـود
تبـي لهـا رجـلٍ ورث طيـب جـــــده
رجلٍ فعولـة كلهـا جـود فـي جـــود
مـــا يلتفـت للـي كفوفـه تمـده ...!!
رجـلٍ إلا جـتـه الليـالـي بمنـقــــود
يتكـى لهـا مـا بيـح الوقـت ســـــده
مهوب خبلٍ مـا رعى للهوى عهـود
وادنـاة مـا عـارض طريقـه يـــــرده
ولاهوب لاعلـة ... ولاهـوب ملهـود
ولا شكـوك ... و كـلٍ طـارئٍ يحـــده
ما اشين من الرجـال لا جـاك ببـرود
وإن قال له تـرف القـدم شـي صــده
تبـي لهـا بـراق طيـبٍ لـه رعــــــود
إن اجدبـت يمطـر علـى ريـف خـــده
وإن نادته تكفـى لقـت عنـده الفـود
يشيـل عزتهـا علـى قــــــــو زنــده
كفه نفل وانفاس صدره لهـا عـود
وظلالـه الضــــافـي بيـدهـا تـمـده
البنت خد ... وقـد ... ونواظـرٍ سـود
وريحة غلاً ... ياسعد مـن شـم نـده
البنـت إلا ضحكـت ثمرهـا لـك ورود
يا خوي مـن يقطـف نواويـر وردة
واللي يهين البنت ناقـص ... ومقـرود
فرس غـلا ... ماهـي حمـارة مكـدة,
الأحد فبراير 17, 2008 10:56 am